FULL TEXT: Erik Matti’s acceptance speech for Best Director in 2015 MMFF

CONTRIBUTED IMAGE/Erik Matti

Sa kabila ng lahat, magandang gabi pa rin sa inyo.

Kahit kailan po, hindi ako gumawa ng pelikula para magka-award. At kung may mga reklamo man ako sa MMFF, hindi ‘yan tungkol sa pagdisqualify niyo sa Honor Thy Father from the Best Picture category. Naglabas na ng statement ang producer namin na si Dondon Monteverde. Sang-ayon ako sa mga sinabi niya doon. Mas malalim kesa d’yan ang disappointment ko sa MMFF.

Mula sa pagpili niyo ng mga sineng isasali hanggang sa pagkunsinti niyo sa masahol na trato ng mga sinehan sa ibang pelikula, lalo na ng maliliit na producers, para sa isang die-hard movie fan na gaya ko, hindi ko na halos makilala ang film festival na dati kong hinangaan at nirespeto.

Maraming salamat na lang sa libreng publicity at higit sa lahat, sa pagbukas ng pinto para pag-usapan na sa wakas ng filmmakers pati ng moviegoers ang mga hinahangad nilang pagbabago sa MMFF.

Sa lahat naman ng Pilipinong hindi pa rin nagsasawang manood ng mga gawa namin dito, salamat sa inyo. You deserve better. Kaya tulungan niyo naman kami. Demand for better films! Demand for more choices in the cinemas! Kaya pa natin baguhin ‘to. Hindi ako titigil kung hindi rin kayo titigil.

Hindi na ito tungkol sa Honor Thy Father. Buong industriya ng paggawa at panonood sa pelikulang Pilipino ang usapan na ‘to. Kaya, salamat na rin sa inyo, MMFF. Binuhay niyo ang pag-asa ko para sa pagbabago.